شكرا مشهد على الفرصة لي قدمتهالنا، حاجات أول مرة نجربوها من أول نهار و أول طيارة في حياتنا و نشوفو بلاصة جديدة و عباد جدد، باهي من آمس بدينا نحاولو نوالفو ببعضنا كفريق نعيشوا مع بعضنا و زادة تأقلمنا مع الناس لي عرفناهم جدد و قاعدين نحاولوا نشاركوا في كل حاجة حتى كان ما نعرفوهاش و نحاولوا زادة نفرضوا رواحنا نتعلمو و نعلموا زادة. بالنسبة لتو حمدولا ما فماش مشاكل خاطي شوي حكايات في التنضيم بيناتنا أما نحاولوا نكونوا في المستوى.. 
النهار الأول مشينا للévénement bouge ton été و فالليل عملنا سهرية طيبو البنات حاجات تونسية و عملنا زادة شوي موزيكة و عجبهم الجو بالرغم الي ما فماش برشا عباد أما عملنا حاجة باهية.
النهار الثاني زادة في نفس البلاصة و الجماعة عملو موزيكا راب و تونسي و graffiti و فالليل مشينا تعرفنا عالفلسطينين سهرنا بحذاهم شوي فرحو بينا برشا و جوهم باهي.. و نشاله لي جاي خير و نحاولوا نبينوا إسم مشهد في كل بلاصة.
و الفريق الكل عامل ما في جهده أما آمنة هي أكثر وحدة تاعبة فينا خاطر تطيبلنا في ماكلة بنينة و هي لاهية بكل شي و تحاول تنضمنا و زادة ما ننساش أسامة إلي زادة لاهي بينا و يعاون فينا في كل شي.

من اهم الفرص الي جتني في حياتي ،رحلة اعضاء مشهد الى فرنسا نبدوها من الطيارة حتى للسهرة هذه الي ختمنا بها رحلتنا .انا كنت مع وئام عزمي رحمه انيس ، فراس كارم .صحيح حنا صحاب وىديما نتقابلو اما التعايش مع بعضنا كان حاجه اخرى كل واحد و مميزاته ،انا كنت لاعبه دور الام عليهم و عاجبتني لحكايه و فرحانه بيهم و اللي صار ما زادنا كان لحمه .
تو بش نحكيلكم على التبادل الثقافي ،العبارة كان مفهومها غير واضح لحد معشناه بالحق ،قابلنا احلى فلسطينين وىعلموني الدبكه تبادلنا افكار جمعياتنا تجاربنا ،كلينا كنافتهم و كلو مقروضنا و رقصوا على مزود و الفرنسيس زاده عدينا عشيه كامله نعملولهم في الحنه ههه و الاغرب انا تعودنا على بعضنا في فترة قصيرة عالاخر لدرجه انهم يبكوا علينا كجينا مروحين .تحربه اكثر من رائعه شخصيا راجعه بفكرة جديد بتفائل كبيير لمشهد و بش نتمسك فها اكثر . بش نستاحش فضول وئام و عود رحمه و بلاده انيس و ضحك عزمي وفصيلات فراس كارم و شكرا اسامه دزيري نحب نقلكم : (سمالله على خاااااااااااايتي)